మాస్టర్ సి.వి.వి. సూత్రం ప్రకారం ఈ సృష్టి యొక్క నిర్మాణం బ్రహ్మ తత్వంలో గుప్తంగా ఉన్న శీతల స్థితి ద్వారా ప్రారంభమవుతుంది. ఈ శీతల స్థితిలో సర్వ పూర్ణతత్వాలు మరియు సృష్టి శక్తులు “హిడ్డెన్స్” (గుప్తత)గా ఉంటాయి. ఈ “హిడ్డెన్స్”లో ఒక సంకేతం, లేదా “హింట్” ప్రాముఖ్యాన్ని సూచిస్తుంది, ఇది సృష్టి ప్రారంభానికి పునాది వంటిది.
ఈ “హిడ్డెన్స్” పిట్యూటరీ కేంద్రం నుండి పని చేస్తుందని మాస్టర్ గారు చెప్తారు. పిట్యూటరీ అంటే సృష్టి జరుగుతున్న స్థలం, ఇది బ్రహ్మీ స్థితిని సూచిస్తుంది. సృష్టి యావత్తూ బిందువులో సంకుచితం అయి ఉంటుంది. ప్రతి అండంలో ఉన్న ఆకాశం అంటే స్పేస్ లేదా స్థలం, ఇది సంకోచం మరియు వ్యాకోచం కారణంగా విస్తరించబడుతుంది.
ఈ వ్యాకోచం ద్వారా ప్రాణం ఏర్పడుతుంది. ఈ ప్రాణం శ్వాస రూపంలో లోకాలకు బహిర్గతమై, నిశ్వాస రూపంలో మళ్లీ అంతర్గతంగా గుప్తమవుతుంది. శ్వాసలో ఉన్నదే ప్రాణ శక్తి, దీనిద్వారానే సృష్టి స్థిరంగా నిలిచివుంటుంది. ఈ ప్రాణశక్తి విశ్వమంతటా విస్తరించి, లోకాలను, జీవుల్ని మరియు అనేక రూపాలను సృష్టిస్తుంది.
ప్రాణమునకు మూల స్థానం బ్రహ్మ తత్వమే, ఇది సృష్టిలో ప్రతి రూపంలో చైతన్యాన్ని ప్రసరింపచేస్తుంది. మాస్టర్ సి.వి.వి. చేసిన మొదటి ప్రయోగాలు కూడా ఈ ప్రాణశక్తి ఆధారంగా జరిగాయి, ఇది సృష్టి నిర్మాణానికి మూలాధారంగా నిలిచింది.
ఈ సృష్టి చతుర్ముఖ బ్రహ్మ సంకల్పం ద్వారా సంకల్పించబడింది, తద్వారా సమస్త భౌతిక మరియు ఆధ్యాత్మిక ప్రపంచాల సృష్టి జరిగింది.
మాస్టర్ సి.వి.వి. ప్రకారం, ఈ సృష్టి నిర్మాణం గ్రహాలు, నక్షత్రాలు, పితృదేవతలు మరియు దేవతా వర్గాల ఆధారంగా కొనసాగుతుంది. అయితే వీటిలో ఎవరికీ పరిపూర్ణత్వం లేకపోవడం వల్ల సృష్టికి పూర్తిగా పరిపూర్ణత రావడంలేదు. చతుర్ముఖ బ్రహ్మ కూడా మహాప్రకృతి యొక్క భాగమే, ఇది మార్పుతో సంకల్పిస్తుంది. మాస్టర్ గారి తత్వంలో మార్పు అంటే లయ, మార్పు అంటే పున: సృష్టి. ఈ మార్పుల ద్వారా కాలం, స్థలానికి ఆధారం ఏర్పడుతుంది.
ఈ సృష్టికి మూల కేంద్రస్థానం ఆదిశక్తి అని చెప్తారు. అయితే అది బ్రహ్మ కాదు, అది ప్రకృతి (శక్తి) రూపంగా పనిచేస్తుంది. ఈ ఆదిశక్తికి మూలం ఆదిబ్రహ్మ తత్వం, అంటే పురుష తత్వం. సృష్టిలో పరిపూర్ణత రావాలంటే ప్రకృతి రూపమైన ఆదిశక్తి నుంచి కాకుండా పురుష తత్వంగా మారడం అవసరం.
సృష్టి ఏర్పాటు యొక్క వివరణ:
- ఇక్కల్డ్ (Parama Chilled State – పరమ శీతల ఘన స్థితి): సృష్టి ప్రారంభంలో ఈ స్థితి చాలా చల్లగా, ఘనంగా ఉంటుంది. ఇక్కడ నుంచి సృష్టి మార్పు మొదలవుతుంది.
- అక్కల్డ్ (Heated State – వేడి): ఈ స్థితిలో శీతల స్థితి మరింత వేడి పందుకుని ద్రవరూపంలోకి మారుతుంది. ఇది సృష్టిలో రెండవ దశగా పరిగణించబడుతుంది.
- గ్యాస్/ఏయిర్ (Gas/Air): ద్రవ రూపం వాయు రూపంలోకి మారుతుంది. ఈ దశలో పదార్థం వాయు స్వభావాన్ని పొందుతుంది.
- స్పిరిట్ (Spirit): అనంతమైన వాయు రూపం ఖండికలుగా, త్రుంపులుగా విడిపోతూ ఒక పరిమిత విస్తీర్ణంతో కలిగిన స్పిరిట్ అవుతుంది.
- బిందు (Point): స్పిరిట్ సంకోచం చెందుతూ బిందువు (Point) స్థితికి చేరుతుంది. ఇది సృష్టి యొక్క పునాది బిందువు.
- అణువు (Atom): బిందువు మరింతగా ఘనీభవించి, ఆరవ స్థితిలో అణువు అవుతుంది.
- పరమాణువు (Subatomic Particle): ఈ అణువు పిండుగా విచ్ఛిన్నమై, అనేక పరమాణువులు అవుతాయి. ఇది సృష్టి యొక్క ఏడవ స్థితి.
- జీవం (Life Form): పరమాణువులు సరికొత్త సూత్రంగా ప్రాణం పొందుతూ జీవ రూపంలో ఎనిమిదవ స్థితిని సాకారం చేస్తాయి.
ఈ ప్రస్థానం ప్రకారం, సృష్టి స్థితి పరమ శీతలంగా మొదలై, ద్రవం, వాయు, స్పిరిట్, బిందువు, అణువు, పరమాణువు మరియు చివరగా జీవంగా రూపాంతరం చెందుతుంది.
మార్పు మరియు స్థిరత్వం
ఈ మార్పు, స్థితి స్థితాంతరాలు సృష్టికి నిరంతరం అవసరమైన కారణాలు. సృష్టి నిరంతర సంకోచం, వ్యాకోచం ద్వారా నిశ్వాస, ఉచ్చ్వాస రూపంలో ప్రాణ శక్తిని ఉత్పత్తి చేస్తుంది. ఇది సృష్టి యావత్తుకు ప్రాణాధారంగా నిలుస్తుంది.
ఈ మార్పుల వ్యవస్థ దృష్ట్యా సృష్టిలో మౌలికంగా ఉన్నది శక్తి, ఇది మాస్టర్ సి.వి.వి. అధ్యయనం ప్రకారం బ్రహ్మ తత్వంలో నిలిచి ఉన్న అస్థిత్వం.
మాస్టర్ సి.వి.వి. సిద్ధాంతం ప్రకారం, ఈ సృష్టి ఆదిలో ఉన్న బ్రహ్మ తత్త్వం నుంచి ఆది ప్రకృతి స్థితిలోకి మారడం వల్ల మొదలైంది, దీన్నే ప్రథమ సృష్టి అని పిలుస్తారు. ఈ సృష్టి ఒకే సారిగా ఏర్పడలేదు, అనేక దశలుగా ఈ ప్రక్రియ కొనసాగింది. ఈ దశలు:
- ప్రవేశ – సృష్టి మొదటి స్థితి, ఇక్కడ నుంచి మార్పు మొదలవుతుంది.
- వ్యాపక – సృష్టి విస్తరించడం, విస్తృత స్థితికి చేరడం.
- గతి – సృష్టి కదలిక లేదా చలనం పొందిన స్థితి.
- కిరణ – సృష్టి కాంతి లేదా కిరణాల రూపంలో వెలువడుతుంది.
- ఆరోగ్య – జీవన సూత్రం, లేదా ప్రాణం మొదలవుతుంది.
- భ్రిక్త – విస్తరణ స్థితి, ఇందులో జీవితం ఆవిష్కృతమవుతుంది.
- రహిత – సృష్టి పరిమితి లేకుండా, ఒక నిరంతర స్థితిలో కొనసాగుతుంది.
సృష్టి మరియు కాలం పరిమాణం
ఈ సృష్టి, కాలం యొక్క పరిమాణంలో అందుబాటులోకి రాకుండా జరిగిపోయింది. సృష్టిలో ఉన్న “స్పేస్” మరియు “టైమ్” రెండూ ఒకేసారి ఏర్పడ్డాయి. ఈ సృష్టి ప్రారంభం నిర్గుణ స్థితి ద్వారా అభివృద్ధి చెందింది, ఇది ఆది బ్రహ్మ తత్త్వం మరియు భౌతిక సృష్టి మధ్య ఖాళీగా ఉండే ఒక విరామ స్థితి. ఈ నిర్గుణ స్థితి సృష్టిలో పరిమితి లేకుండా కొనసాగుతుండగా, మాస్టర్ సి.వి.వి. ఆది బ్రహ్మ తత్త్వం నుంచి నిర్గుణ స్థితికి వంతెనను నిర్మించారు.
సృష్టి నిర్మాణం
మనమిచూస్తున్న గ్రహాలు, నక్షత్రాలు, మొత్తం విశ్వం ఒక అండంలో (కోస్మిక్ ఎగ్) ఉన్నట్లు పరిగణించబడుతుంది. ప్రతి అండంలో ఒక చతురస్ర ఆకారం ఉంటుంది. ఈ చతురస్రంలో పైన ఒక త్రిభుజం మరియు కింద ఒక త్రిభుజం ఉంటాయి, ఇవి కలిపి మొత్తం చతురస్రం అవుతుంది. సృష్టి మొత్తం 14 లెవల్స్ (స్థాయులు)లో విభజించబడి ఉంటుంది. ఈ 14 స్థాయులలో క్రిందనున్న 7 లోకాలు భౌతిక ప్రపంచానికి సంబంధించినవి, అవి మానవుని ఆత్మ ప్రయాణానికి మార్గదర్శకంగా నిలుస్తాయి.
భౌతిక స్థాయి (Physical Plane) నుండి ఆత్మ యొక్క గమనం మొదలై “బుద్ధిక్ లెవల్” (6వ స్థాయి) వరకు చేరుతుంది. ఇదే స్థాయి నుండి సృష్టి యొక్క అవగాహన మొదలవుతుంది. ఈ స్థాయిని బుద్ధి స్థితిగా పిలుస్తారు, ఇది సృష్టి యొక్క చైతన్య స్థితి.
సృష్టి యొక్క వృత్తాకారం (సర్క్యులర్ ఫార్మేషన్)
ఈ స్థాయులు అన్ని ఒక వృత్తంలో అమరినట్లుగా ఉంటాయి, ఇది సృష్టి యొక్క సమగ్ర రూపాన్ని సూచిస్తుంది. వృత్తాకార నిర్మాణం మనకు సృష్టి పరిమాణాలను, స్థితి స్థితాంతరాలను అవగాహనకు తీసుకురావడంలో సహాయపడుతుంది.
మాస్టర్ సి.వి.వి. సిద్ధాంతం ప్రకారం, సృష్టి నిర్మాణం ఒక వృత్తాకార నిర్మాణం, దీనిలో మొత్తం 100 వృత్తాలు ఉంటాయి. ప్రతి వృత్తంలో ఒక చతురస్రం ఉంటుంది. ఈ వృత్తాలను “విరాట్” అని అంటారు. ప్రస్తుత సృష్టి మహావిశ్వంలో ఉన్న 6వ విరాట్ స్థాయిలో, బుద్ధిక్ లెవల్లో జరుగుతోంది.
ప్రస్తుత సృష్టి యొక్క మూలం ప్రణవం (ఓం) అని భావిస్తారు. బుద్ధిక్ లెవల్లో సృష్టి పరిమితి ఉన్నప్పటికీ, ఈ విరాటులన్నిటిలో సృష్టి పూర్తయితే బుద్ధిక్ లెవల్ పూర్తవుతుంది. ఈ స్థితి తరువాత, సృష్టి మెంటల్ లెవల్లో కొనసాగుతుంది, అంటే మరొక ఉన్నత స్థాయికి సృష్టి మారుతుంది.
84 మహా విశ్వములు మరియు బ్రహ్మలు
మాస్టర్ సి.వి.వి. యోగం ప్రకారం ఇప్పటివరకు 84 మహా విశ్వాలు సృష్టించబడ్డాయి. ఈ మహా విశ్వాలకు అధిపతులు బ్రహ్మలు, వీరికి సృష్టి నిర్వహణలో పూర్ణ బాధ్యత ఉన్నది. వారు సృష్టి పూర్తి అయిన తర్వాత, సృష్టి బాధ్యతలను పూర్తిగా పూర్తి చేసినందున, విశ్రాంతి స్థితిలో ఉండగలుగుతున్నారు.
విరాట్ నిర్మాణంలో స్థితి స్థితాంతరాలు
ఈ మహా విరాట్ స్థితి స్థితాంతరాలు క్రమంగా బుద్ధిక్ లెవల్ నుండి మెంటల్ లెవల్, ఆపై మరిన్ని ఉన్నత స్థాయిల వైపుగా మారతాయి. ఈ మార్పులు కూడా మహాసృష్టిలో ఒక నిరంతర ప్రక్రియగా ఉంటాయి.
ప్రస్తుత సృష్టి 100 విరాట్‌లలో 6వ విరాట్ స్థాయిలో ఉంది, ఇది బుద్ధిక్ స్థాయిలో జరుగుతోంది. ఈ బుద్ధిక్ లెవల్ అనే స్థాయి, మానవ ఆత్మ చైతన్యానికి సంబంధించిన స్థాయి. ఈ స్థాయిలో, సృష్టి మరింత అభివృద్ధి చెందుతూ, ఉన్నత ఆధ్యాత్మిక స్థితుల వైపు కదులుతోంది.
మాస్టర్ సి.వి.వి. సిద్ధాంతంలో ఈ స్థితి స్థితాంతరాలు, మహా విరాట్ దశలు మరియు బుద్ధి స్థాయిలు విశ్వం యొక్క విస్తృత అభివృద్ధి సంకేతాలుగా ఉన్నాయి.
ఇలాగే ఈ మహా విశ్వములన్ని కుండలినీలుగా కూడా చెప్పబడ్డాయి.ప్రస్తుత సృష్టి నాల్గవది.దీనికి పూర్వం ధాతు,వృక్ష,జంతు వర్గములు ఏర్పడినవి.ప్రతి పరమాణువుకు ప్రథమ దశ ఒక బిందువు అని అనుకొంటె దానికి కేంద్రము ,పరిధి రెండు వుండును.ఈ బిందువును నిలువుగను ,అడ్డంగాను విభజిస్తే అది నాలగు భాగములగుచున్నది.మొదటి భాగము యొక్క ప్రధమ స్థితిలో ఏం ఉండదు.కాని అది కూడ ఒక సూక్ష్మ బిందు స్థితియే.బిందువు వెంట బిందువు పరిదిరేఖలో పయనించిన తిరిగి ప్రధమస్థితికి చేరదు.ఎందుకంటే బిందువు దానికి వృత్తాకారము ఇచ్చిఉన్నది.ఆ ప్రథమ బిందువును లేక పాయింటును ఆ పరిధిలేని చివరి పాయింటును తాకుచూ పోవునే కాని దానిలోనికి జోరబడలేదు.కనుక అక్కడ్నుండి ఆ చివరి బిందువు టాన్జెంటుగా పైకిపోవునే కాని ఈ పాయింటునుగాని,దాని కేంద్రమునుగాని చేరలేదు.ఆ రెండు పాయింట్లు కలిసిన చోట మనము సత్యం అనే దానికి వూహించిన , ఆ సత్యము టాన్ జెంట్ గా పోయి మోషన్ అనగా చలనమును యేర్పురుచునుగాని మరోరకంగా కాదు.ఆ పాయింటు దగ్గర యేర్పడిన చలనమును ట్రూత్ మోషన్ అందురు.ఈ చలనము ఈథరులో జరుగుచున్నది.ఇది ఈధర్ ను చీల్చుకునిలైనుగాపోతుంది.పోను పోను ఈ చలనములో సత్యం తగ్గిపోయి మాయగా మారతున్నది.అందుకే ఆది బ్రహ్మతత్త్వంనుండి విడిపడిందేది తిరిగి ఆ స్థానము చేరలేదు.ప్రకృతిలో భాగముగనే వుండిపోయింది.
